Тешка автобуска несреќа кај Лајпциг

Автобус на компанијата „Фликсбус“ денеска (27.03) претпладне излета од автопатот број 9 во близина на Лајпциг. Притоа загинаа најмалку 5 лица, а има и повеќе повредени.

Автобусот сообраќал на релација Берлин-Цирих, а во него се наоѓале 53 патници и двајца возачи. Автопатот е затворен во двата правци.

Компанијата „Фликсбус“ изрази сочувство и најави тесна соработка со локалните власти и спасувачите. Како што се вели, ќе биде сторено сѐ за брзо да се утврди причината за несреќата.