کندهار

د افغانستان په جنوب کي له هغي يوي  سيمي څخه چي له څو ورځو را په دي خوا د ناتو او افغان ځواکونو د يوي ستري حملي څخه خبري کيږي، په سلو ګونو ولسي وګړي د تيښتو لاره نيولي ده. 

پوځي  چارواکو  وویل چي د هلمند ولایت د مارجه په ولسوالي  باندي چي د طالب اورپکو يوه ډير ستره هډه ګڼله کيږي، له ډيري اوږدي مودي  را په دي خوا د «مشترک» نومو عملياتو بند وبست شوي دی. د بريتانيا پوځ  وويل چي 15000 سرتيري چي په هغو کي د افغانستان ملي پوليس، ملي پوځ او د ناتو ځواکونه شامل دي، په دي عملياتو کي برخه اخلي.

د ناتو پوځي  وياند، اريک تريمبلي وويل، د دي عملياتو هدف دا دي چی طالبان له مارجه  څخه وشړل شي او هلته حکومتي واکمني بيرته ټينګه کړاي شي.

د آلمان د خبري آژانس د يو رپوټ له مخي چي له کندهار څخه يي راليږلي دی، له مارجه  څخه ځيني ولسي وګړي د هلمند ولايت مرکز  لشکر ګاه ته  رسيدلي دي.