برلين

د آلمان د فدرالي حکومت کابينه نن د افغانستان په نوي ستراتيژي  باندي غور کوي.  د آلمان د نوي ستراتيژي له مخي په افغانستان کي د آلمان په اوسني  4500 سرتيرو باندي 850 نور  علاوه کيږي.  په راتلونکي کي د هغو پوځيانو شمير چي  د افغانستان د امنيتي ځواکونو د روزلو لپاره ګمارل کیږی له اوسنيو 280 څخه 1400 ته لوړ کړاي شي.  سبا به د آلمان فدرالي شورا يا بوندستګ هم د حکومت په نوي ستراتيژي باندي بحث او خبري وکړي. د  حکومت د ستر مخالف ګونډ، سوسيال دیموکرات پارلمانی مشر، فرانک والتر شتاين ماير له حکومت څخه وغوښټل چی منځ مهاله موده کی په افغانستان کی د آلمانی سرتيرو د کمولو پلان باید جوړ شی:

« کار په لاره کی بايد وشی چی  افغانان مسووليت خپله په غاړه واخلي، په خپل کي هيواد د امنيت مسووليت،او مونږ په منځ مهاله موده کي د  خپلو سرتيرو شمير کم کړاي شو. تر هغه پوري چي د 2013 او 2015 کلونو په منځ کي د دغه ماموريت د پاي ته رسولو لپاره لاره اواره شي.»