وفاقی جرمن چانسلر انگیلا میرکل کی کابینہ نے افغانستان میں جرمن فوجیوں کی تعداد میں اضافے کا فیصلہ کیا ہے۔ کابینہ کے اس فیصلے کے مطابق اب مزید 850 جرمن فوجی بحران زدہ افغانستان بھیجے جائیں گے، جن میں سے بیشتر کی ذمہ داری افغان فورسز کو تربیت فراہم کرنا ہوگی۔ اس فیصلے کی جرمن پارلیمان سے منظوری ابھی باقی ہے۔ اس وقت افغانستان میں جرمن فوجیوں کی تعداد تقریباً ساڑھے چار ہزار ہے، جو امریکی اور برطانوی فوجیوں کے بعد سب سے زیادہ ہے۔